तुझे भास पावसाचे

तुझे भास पावसाचे

तुझे भास पावसाचे
आणी मनी शहारे
तुझे संकेत मिलनाचे
समजून घे इशारे
      -०-
तुझे भास पावसाचे
प्रीती चिंब भिजून जावी
या थंड गारव्यात
तू जवळी असावी
      -०-
तुझे भास पावसाचे
हूड हुडी मनी भरावी
पंखात पंख मिळवूनी
मिठीत रात्र जावी
      -०-
तुझे भास पावसाचे
दूर भासतो किनारा
लाटेत सागराच्या
तो मन-मोही दरारा
      -०-
तुझे भास पावसाचे
जागवी मनी त्या भावना
शहारून अंग यावे
तुझ्या मिलनाच्या कल्पना
      -०-
श्री प्रकाश साळवी दि. १९ ऑगस्ट २०१४.